Sigga Sif

2006-10-06T05:42:00.000-07:00

Halló, halló, halló. Mér fannst sérstaklega skemmtilegt að sjá að engin kommentaði seinasta blogg. HAHAHAHAHAHAHAHA ég sé þetta alveg fyrir mér. Þið hugsuðu " er hún orðin geggjuð " þannig að ég ákvað að setja ekki inn hugsanir mínar í dag, heldur bara svona almennt efni. Er ekki viss um að þið, mínir allir, höndlið fleiri Siggu hugsanir. Við hjónakornin erum s.s. í fjarbúð og líkar það svona svakalega vel. Við rétt nennum að henda " hæi " á hvort annað í gegnum símann og erum svona svakalega hamingjusöm með það. Það verður spennandi að sjá þegar við flytjum aftur saman. Við verðum þá með aukaherbergi, spurning hvort að við rötum saman í eitt ????? Ja hvað haldið þið ? Erum við svolítið líflaus hjón ? Finnst ykkur það ?
Nei mér finnst þetta alveg frábært. Laus við kallinn í smá tíma. híhíhíhíhíhíhíhí.
Hey í annað, ég er að fara að hitta kofasystur mínar í kvöld, hlakka ekkert smá til. Ætlum að snæða á Horninu og kjafta svolítið og svo veit maður aldrei nema að maður hristi eitthvað hnéskeljarnar á eftir. Gæti nú verið gaman. Við Tóta mín finnum nú samt fyrir hvað við erum orðnar ferlega gamlar og segumst alltaf ætla heim um ellefu og í seinasta lagi um miðnættið, en það endar nú ansk........... oft með 7 - 8 næsta morgun.
Æðislegt á Gay pride þegar við rosalega sárfættar hittum þennan háa myndarlega karlmann í Austurstrætinu og við byrjuðum að lýsa fyrir honum hvað við konur ættum bágt að þurfa að vera á þessum skóm. HAHAHAHAHA, við heimskar maður, auðvitað skyldi hann okkur fullkomlega, gekk oft í háum hælum.
Knús og kossar þangað til næst.

2006-09-26T06:43:00.000-07:00

Góðan og blessaðan.
Verð að segja ykkur frá geggjuðum matarboðum sem okkur var boðið í um helgina. Á föstudagskvöldið buðu Anna og Viðar ( eigendur fasteignasölunnar ) okkur í Foldargrill. Og það get ég sagt ykkur að ég fæ ekki betri mat heldur en er í þeirra boði. Anna er einfaldlega snillingur þegar kemur að matargerð, já bara algjör gúru. Þar fengum við snilldar rækjukokteil, nei ekki þennan í koníakglösunum með slettu af kokteilsósu yfir. Ó sei sei nei. Þetta voru ferlega ferskar rækjur með ferskum kryddjurtum og mangó, æðisleg dressing með og svo tortillas, fylltar með osti og kryddi og fleiru og fleiru. Já þetta var forrétturinn. Síðan fengum við grillað lambakjöt með sætri kartöflumús og salati og ekki má gleyma alioli inu hennar Önnu sem er það besta sem ég hef nokkur tímann smakkað. Í eftirrétt fengum við rabbabarapæ með ís og rjóma og síðan kaffi og grand.
Síðan á laugardagskvöldið þá buðu Magga og Kiddi okkur í mat. Og þar fengum við geggjaða tómatsúpu með kjúklingi, tortillum, guagamole og rjóma, speltbrauð með kókos og geggjað papriku hummus. Og í eftirrétt þá fengum við berjaköku og ís. Ég ætla rétt að láta ykkur vita það að ég nýtti mér þessi frábæru boð mjög vel. ÞETTA VAR EINFALDLEGA ALVEG STÓRKOSTLEGA UNAÐSLEGT.
Síðan var fjölskyldan í rússi á sunnudeginum af því að við þurftum að sjá okkur sjálf fyrir mat það kvöldið. Já maður er fljótur að komast upp á lagið, hmmmmmmmmmmmmmmmmm.
Talandi um það, hugsið ykkur ef ykkur biðist að vera fyrirmenni í sólahring svo ég tala nú ekki um viku. Jesús minn, ætli það yrði nú ekki erfitt að snúa aftur til baka í sitt venjulega líf, þrífandi ló úr hornum og setja í þvottavél ? OK ég er sammála því, vika kanski of stutt. En ég held samt, eins og einn góður frændi minn sagði einu sinni, það er ekkert mál að aðlagast góðu lífi en það er rosalega erfitt að þurfa að fara til baka. Þarna var hann Oddur frændi minn að tala um laun og atvinnuleysi og hvernig það hefði áhrif á fólk. Hann sagði að fyrir mann eins og sig , sem væri vanur að vera á mjög góðum launum, væri nánast ómögulegt að aðlagast litlum launum. Hann væri orðin vanur ákveðnum lífstíl, fara til útlanda þegar hann vildi, kaupa hitt og þetta þegar hann vildi, aka um á góðum bílum og annað slíkt. En ef hann missti þau laun sem hann hefði þá myndi hann sennilega bara vilja deyja, enda að hans mati, lífið svolítið tilgangslaust þar sem að hann gæti ekki keypt neitt.
Já svona er þetta maður óskar þess alltof oft að hafa meira heldur en maður hefur í staðinn fyrir að njóta þess sem maður hefur.
Guðbjörg ( vinnufélagi ) var að segja mér að hún hefði séð í sjónvarpinu þátt um konu ( auðvitað í ameríku ) sem ætti 4 ur börn og hún hefði tekið sérstaklega eftir því af því að 3 börnin voru svört og eitt hvítt. Kona þessi var að berjast við krabbamein. Hún hafði tekið að sér 4 börn sem uppeldisforeldri og voru öll börnin eyðni smituð. Getur einhver sagt mér afhverju í ósköpunum þessi kona þarf að berjast við krabbann. Mér finnst þetta fólk eitt það óeigngjarnasta sem ég heyri af.
Ég búsett hér á Fróni og þekki ekki óeirðir í mínu heimalandi, með allt veðsett í botn og get samt borgað af því, með þak yfir höfuðið sem ég á sjálf, slatta af farartækjum, nóg að bíta og brenna en samt vælandi. Ég á eitt barn og Lýður 2, sem við kusum að eignast sjálf og samt erum við vælandi.
Af hverju í ósköpunum velur maður að væla allt sitt líf. Getur einhver sagt mér það. Öll mín lífsumgjörð er valin af mér sjálfri, ég hef frelsi til að láta drauma mína rætast á tiltölulegan auðveldan máta. Það eru engin stjórnvöld sem banna mér að ferðast, eignast eitthvað, gera eitthvað eða neyða mig í stríð. Ég hef svo miklu meiri möguleika en stór % af öllum heiminum.
Jáhá núna eina sem ég þarf að gera er að muna þetta á daglega.
Jæja nú er ég búin að losa hjarta mitt í dag. Þetta höfðuð þið upp úr því að vilja ekki hlusta á flutningssögur eina ferðina enn. :-) Bless á meðan.

2006-09-21T03:38:00.000-07:00

Hæ ég er mætt aftur. Dísa mín, auðvitað veist þú ekkert um Rockstar Supernova og er það alltof langt mál til að fara með það hér. En eitt get ég sagt þér. Að Magni er komin heim, á eftir að syngja og túra með þessu frábæra húsbandi í janúar n.k. og að Lucas hann vann, eins og ég hélt, og núna eru hann og Tommy Lee ( fyrrverandi Pamelu Andersson maður og barnsfaðir ) örugglega í stanslausu geimi. Nú geta íslendinar farið að sofa á venjulegum tíma á þriðjudags og miðvikudagskvöldum og þá vonandi minnka baugar okkar hér á fróni.
Jájá við erum enn að flytja út og nú er alveg að koma að þessu. Það er ótrúlega mikið af dóti farið í geymslu og merkilegt nokk hvað er nú samt rosalega mikið eftir. Það er svo skrýtið að mér finnst eins og allt hafi stöðvast i kringum mig. Maður fer í vinnuna og síðan heim ( að pakka ) og stundum hef ég mig grunaða að vera meira að segja farin að nota það sem afsökun fyrir að gera ekki eitthvað annað. Það er svo skrýtið að maður verður minna upplagður fyrir að fara eitthvað þegar allt er í drasli og út um allt heima hjá manni. Svona eins og lífið stoppi pínu, engar framfarir. Svona getur maðurinn verið skrýtinn.
Við hjónaleysin skelltum okkur á Nick Cave tónleika ,í laugardagshöll, síðasta laugardag og voru þeir alveg yndislegir. Ég verð að viðurkenna það að ég hef ekki mikið hlustað á kauða og það kom mér nokk vel á óvart hvað hann var pönkaður. Einhverra hluta vegna hafði ég ekki tekið vel eftir því áður. Spurning hvað ég hlustaði vel. En þetta var algjör snilld. En til að merkja hvað við erum orðin hræðilega gömul þá fórum við beint heim, upp í sófa að kúra og sofnuðum þar mjög fljótlega. VIÐ ERUM ALVEG HREINT SKELFILEG.
Þangað til næst, knúúúúúúúúúúúúúúúúúúússssss

2006-09-06T06:09:00.000-07:00

Halló allir mínir vinir og velunnarar !!!!!!! Loksins kemur smá uppfærsla á bloggið. Hún Dísa vinkona mín í danaveldi er ekki parhrifinn að letinni í mér. En það er sýnilegt að öllum öðrum er sama ! Sko nýjustu fréttir eru þær..................... við erum byrjuð að pakka niður dótinu okkar því að við erum að flytja út núna 1. okt. n.k. og þá fer ég og Telma til Þórdísar systir og hennar Töru Sóleyjar og Lýður ætlar að liggja hjá Trausta ( ég er reyndar skíthrædd við það, þeir tveir eiga eftir að fíla piparsveinalífið ) . Svo flytjum við inn í nýju íbúðina 1. nóv. n.k. Það er alltaf svolítið erfitt að pakka niður seinasta draslinu af því að maður telur sig alltaf þurfa að nota góðan slatta fram á seinasta dag. Þannig að nú fer ég heim eftir vinnu og tvístíg yfir því hvað eigi að pakka næst. Já eins og þið sjáið er minn ástkæri maki ekki mikið að ómaka sig yfir pökkunarstandinu. Nei trúið mér það jókst hjá honum aukavinnan þegar kom að því að þurfa að pakka. Já og ekki nóg með það heldur tók hann að sér nokkra jálka ( það þýðir hestar ) svona til að minnka tímann sem hann gæti verið heima. Já en svona til að draga aðeins úr leti hans í pökkunum þá er hann mjög duglegur að fara með kassana í geymslu. Ég slepp við að bera þá og það er þess virði. Ég þori að skrifa þetta hér því að hann les aldrei bloggið mitt, hahahahhahaha. Hey og þið hin ekki vera að benda honum á það. Maður verður nú að eiga sitt privat. En ef þú lest það Lýður minn þá elska ég þig samt. :-) ´
Ég fór á tónleika á laugardaginn á Cafe Rosenberg, þar var kvartettinn VOX FOX að skemmta. Ég, Elfa syst og Anna syst fórum að hlusta á Þórdísi syst. sem er í þeim kvartett ásamt Gunnari, Lilju og Hreiðari Inga. Alveg yndisleg kvöldstund. Rosalega gaman og ég mæli með að þið farið á tónleika með þeim næst þegar þið heyrið þá auglýsta. Það var svakalega gaman að sjá fullt af útlendingum skemmta sér konunglega yfir skemmtilegu tónlistarlífi á Íslandi. Já og svo spilaði hljómsveit sem ég man ekki hvað heitir en á núna lag sem er spilað svolítið og heiti Clementine ( eða eitthvað svoleiðis ) gæti líka verið " My darling Clementine " Þeir eru svo skemmtilegir. Vox Fox söng líka með þeim og það myndaðist þvílík dúndur stemning á staðnum. ( Dodda fæ ég prósentur ? )
Og ef þið Dóa og Tóta lesið þetta þá er ég sko þvílíkt hress í dag, þið mynduð ekki trúa umskiptunum síðan í gær.
Hey kusuð þið Magna " okkar " í nótt ? Að sjálfsögðu vakti ég og kaus örugglega 200 sinnum. Sko við sem erum nú alltaf að bera okkur saman við aðrar þjóðir eigum að nota okkur það að við erum lítil þjóð og standa saman þegar þess þarf. Við eigum ótrúlegan mátt í samstöðunni. Já en finnst ykkur ekki leiðinlegt hvað hún Dilana er eitthvað að falla ? Mér finnst framganga hennar 2 seinustu vikur ( síðustu viku og síðan í gær ) vera til skelfingar. En mig langar að vita ! Er það hún sem er að falla eða er sjónvarpsefninu stýrt þannig að okkur finnst hún vera að falla ? Hvað haldið þið ? Mig rennur það stundum í grun að við séum ekki alveg að sjá allt í samhengi. Ég held að Storm og Magni séu í hættu í kvöld, ég held að þeir vilji halda Toby inni lengur, hann er svo skemmtilegur. Ekki nema að Dilana detti út, miða við fallið, en ég trúi því ekki. Ég hélt alltaf þangað til í seinustu viku að Dilana myndi vinna þetta en nú er ég ekki viss. Ég er ansi hrædd um að þeir ætli og séu löngu búnir að velja Lukas. Enda fittar hann fínt inn í þetta tívolí þeirra. Og mín vegna alveg ágætt það gefur mér þá ástæðu til að kaupa EKKI cd ið þeirra ef eitthvað verður gefið út af þeirri tónlist. Eru fleiri eins og ég sem sjá fyrir að Lukas verði fyrir valinu og síðan verði bara eitt stórt parý hjá þeim. Það held ég að verði ekki langlíft. Og við vitum það öll að Magni hefur allt of mikla hæfileika til að verða valin sem sigurvegari í þetta band. Keppnin held ég sé búin að gera það fyrir hann sem gott er og nú bara hans að fylgja því eftir. Hey Magni, með húsbandinu, það væri snilld. Snilldar band.
Jæja, jú ætla ég að hætta þangað til næst. Knús og kossar til ykkar allra.

2006-08-14T05:45:00.000-07:00

Hey ég gleymdi að segja ykkur frá Gay pride helginni minni ( og allra hinna ) Ég byrjaði á því að fara heim til Tótu vinkonu og vekja hana af værum 2ja tíma blundi þar sem að hún hafði verið á næturvakt aðfaranótt laugardagsins. Ég koma með rúnstykki og hjónabandssælu til að hressa hana við. Þannig að dagurinn byrjaði á yndislegum morgunmat hjá okkur vinkonunum. Ég skil ekki í henni Tótu, ég get svarið það að þegar hún kom framm úr þá byrjaði hún strax að syngja ............... hvaða morgungleði er það ? Síðan skondruðumst við í bæinn og horfðum á gönguna ásamt fleiri þúsund manns. Hittum síðan Þórdísi systir og dóttur hennar hana Töru Sóley sem urðu samferða okkur niður á Lækjargötu. Þar skemmtum við okkur mjög vel. Fórum síðan heim til að taka okkur til fyrir partý-ið hjá Óla Geir og Rng. Þetta var alveg geðveikt partý. Við fengum æðislegan mat oooooooooooo ég borðaði svo mikið, svo var farið í hina ýmsu leiki og skemmt sér alveg konunglega. Endað í bænum ( Lýður fór heim ) fyrst á Thorvaldsen og síðan seint og um síðir á NASA. Ji ég dansaði svo mikið. Hún Gabí, vinkona Tótu, var svo yndisleg að ná í okkur á milli kl. 6 - 7 um morguninn.

2006-08-14T05:15:00.000-07:00

Jæja nú er ég komin aftur eftir sumarfrí, svolítið síðan, þannig að nú ætla ég að fara að skrifa aftur. Það er sko mikið búið að vera að gera hjá henni Siggu í sumar. Ég byrjaði sumarfríið á því að fara í 4ra daga göngu " Á Víkurslóðir " sem ganga frá Borgarfirði eystri( s.s. Bakkagerði ) og yfir í Loðmundafjörð. Þeir sem að þekkja mig vita að ég er nú ekkert sérstaklega mikið fyrir hreyfingu svona dagsdaglega þannig að þetta var stórt stökk fyrir mig. Ég, Elfa systir og Anna systir gengum fyrsta daginn og svo bættist Gunna systir í hópinn. Þetta var alveg yndisleg ferð. Við vorum símasambandslausar allan tímann sem gerði þetta enn yndislegra. Það var ómetanlegt að tala saman um heima og geima án þess að verða fyrir áreiti af umhverfinu. Þarna skildi maður hvað venjulega er mikið í gangi kringum mann sem maður er farin að taka sem eðlilegum hlut. Við hlógum allan tímann, af hverju sem var. Reyndar töluðum við svolítið um hvaða húmor við systur hefðum og urðum sammála um að hann væri svolítið kaldur og út í það að vera neikvæður og ákváðum að breyta því. ( eða sko hinar ) Þetta þýddi að í hvert sinn sem einhver sagði eitthvað sem var ætlað að vera fyndið þá fóru hinar að skilgreina húmorinn. Ummmmmmm..........var þetta of kaldur húmor, var hann of neikvæður eða ???????? Í lokinn þá benti ég þeim systrum mínum á að kanski væri bara til húmor sem væri einfaldlega fyndinn og ætti ekki að skilgreina hann....... Þannig að við sættumst á að við hefðum bara fínan húmor og ef einhver hefði út á hann að setja yrði bara svo að vera. Ég skal bara segja ykkur það að þessi umræða var mjög húmorísk og mikið var hlegið á meðan.
Þarna skemmtu systur mínar sér líka yfir því að ég var svo stirð í öllum líkamanum og hreyfði mig mjög afkáralega. Já haldið ekki að Anna systir hafi verið að senda mig eftir fullt af dóti og svo kallaði hún á eftir mér : Sigga flýttu þér, flýttu þér. Þær systur sátu svo í krampakasti á meðan ég skakklappaðist framm og til baka. JÁ OG ÞETTA KALLA ÞÆR HÚMOR!!!!!!!!
Reyndar gleymdi ég að byrja á því að segja að síðasta föstudag fyrir sumarfrí ( s.s. vinnudag og ég að drífa mig austur strax á laugardeginum ) þá seldist íbúðin mín sem ég er búin að reyna að selja síðustu 7 mán. Já hún Sigga þurfti að koma þessu í gegn 1.2.og 3. og fara svo beint í 4 vikna frí og fyrstu 2 út úr bænum. Trúið mér ég var svo stressuð að ég nagaði á mér handarbökin við að koma þessu í gegn áður en ég færi. Jæja en þegar ég kom aftur þá varð ég nú aldeilis að fara að finna húsnæði fyrir familíuna. Við Lýður skoðuðum endalaust af húsnæði, einbýli, hæðir, íbúðir............... kræst ég er svo búin að fá mig fullsadda af að ráðast inn á ókunnugt fólk og kíkja í skápana. En viti menn, síðasta föstudag skrifuðum við undir lokatilboð um kaup á nýrri íbúð. Og nú erum við fjölskyldan að flytja í Hafnarfjörðin. Ég er svo glöð. Þetta verður alveg yndislegt. Reyndar flytjum við ekki alveg strax. En það kemur að því. Og þá allir mínir vinir og fjölskylda er ykkur boðið hér með í kaffi hvenar sem er.
Knús og kossar þangað til næst. KISSSSSSSSSSSSSSSSSSS

2006-07-17T05:51:00.000-07:00

Jæja velkomin aftur. Nú er ég komin í sumarfrí og reyndar búin með 2 vikur af því. Ég byrjaði sumarfríið mitt að skella mér austur til Egilsstaða með Elfu systir á laugardeginum 30. júní s.l. Við notuðum sunnudaginn í að undirbúa 4ra daga fjallgönguna okkar. Keyrðum yfir í Borgarfjörð eystri og gistum þar í tjaldi aðfaranótt mánudagsins. Síðan á mánudeginum lögðum við í hann, ég, Elfa og Anna systur mínar. Byrjuðum á því að finna hann

2006-05-23T10:08:00.000-07:00

Góðan og blessaðan daginn allir mínir vinir og til hamingju Finnar með sigurinn í Eurovision. Matti minn engar svona þjóðarglósur þótt að þínir menn hafi unnið þetta. En samt innilega til hamingju. OG HVAÐ SEGIÐ ÞIÐ SVO UM HANA SILVÍU NÓTT ?? Ég sagði alltaf að við áttum að senda Regínu Ósk. Hún væri okkur til sóma og lagið flott. Ég komst að því í gærkveldið að ég hugsa alveg eins og Birgitta Haukdal ( HMMMMMM) Mér og Birgittu finnst að fólk, alveg sama hver er, eigi ekki að fara í heimsókn til annarra og lítillækka heimili þeirra. JÁ ÞAÐ FINNST OKKUR BIRGITTU. Það kann bara ekki góðri lukku að stýra. Það eru einmitt svona hlutir sem kalla á stríð á milli flokka. Blóðuga bardaga. Ekki gott. Ég vil samt taka það fram að mér finnst Ágústa Eva stórkostleg leikkona og ég fell gjörsamlega í stafi fyrir að halda þetta út allan tímann. Þanngi að Silvía eða Ágústa, ef þið eruð að lesa, þá eruð þið báðar stórkostlegar hvor á sinn mátann. Núna eru að byrja sumarfrí í vinnunni ( ekki ég samt strax ) þannig að ég verð örugglega ekki sú allra duglegasta að skrifa, en ætla samt að reyna eitthvað. Ég var í útskriftarveislu hjá Dóru frænku á síðasta laugardag. Það var alveg frábært. Hún Dóra mín er rúmlega fimmtug ( sem er samt enginn aldur, er ekki að segja það ) og er sko að nánast að byrja í framhaldsnámi núna eftir tugi ára. Ef þetta er ekki dugnaður þá veit ég ekki hvað dugnaður er. Ef ég hefði nú bara helminginn af hennar kjarki þá væri ég kjarkmikil manneskja. Og hún er sko bara rétt að byrja, var að útskrifast sem félagsliði og er að fara í sjúkraliðann í áframhaldandi nám. Trúið mér hún verður búin með sálfræðina, hjúkrun og félagsfræði áður en við hin getum snúið okkur við. Hún er ótrúleg. Og hún útskrifaðist ekki með lægri einkunn en 9 og samt í vetur var hún að gera upp eldhúsið sitt, frá toppi til táar, sem hún gerði að sjálfsögðu sjálf. Og þá erum við ekki að tala um " gerði það sjálf " sem þýðir hringdi í iðnaðarmennina, heldur " gerði það í alvörunni sjálf " jebbs allt saman. Jæja hætt í bili. knús og kossar

2006-05-03T03:57:00.000-07:00

Hubbe hulle allir saman. Nú er komin þriðji maí og svolítill tími í næstu frídaga. Ég ætla að segja ykkur svona undan og ofan af því hvernig helgin leið. Sko Gunna systir kom í bæinn ( við gáfum henni málverk ) og á föstudagskvöldið þá sátum við, líka Þórdís loksins þegar hún fannst, heima og drukkum freyðivín og kjöftuðum. Endaði með því að allir skriðu í rúmið vel þreyttir. Daginn eftir þá var ég að dandalast heima og undirbúa kvöldmatinn sem systur mínar ætluðu að neita með okkur familien. Það var s.s. kjúlli og önd. Ég svolítið stressuð af því að ég hef aldrei eldað önd áður, en það tókst líka þetta fína vel. Gerði sætu chilli kartöflumúsina með og fína andasósu, ásamt fleiru. Þetta fór bara vel í ökkur. Síðan var ákveðið að drífa sig á djammið og reyndar að byrja á Karóke í Ölver. Þegar búið var að múta Telmu Þöll til að passa frænku sína, hana Töru Sóley, þá var ákveðið að drífa sig. Vaskað upp í snatri og síðan drifið í að finna föt handa Siggu ( mér ) og svo make upi skellt framan í sig. Auðvitað fór ég alls ekki í fötin sem þær systur völdu á mig. Ég ætlaði nú ekki að vera eitthvert jólatré. Þær sökuðu mig um að reyna að vera eins ljót og ólöguleg og ég gæti á meðan að verið væri að máta. Þær voru pínu sárar ( grín ) út í mig. En maður verður nú að hafna systrum sínum fyrir fegurðina, maður fer ekki út í hverju sem er, HA GIRLS !!!!!!! Já ég gleymdi og á meðan þessu öllu stóð var drukkið örlítið meira freyðivín. Virkilega gaman. Þórdís systir alveg gjörsamlega að gera okkur Gunnu brjálaðar af því að hún vildi fara að drífa sig af stað í Ölver. Sagði að það væri sko alltaf endalaus röð þar. Værum heppnar ef við fengum eitt lag á mann ef við kæmum eftir kl. 21.00. Já nebbbnilega. Það fór ekki þannig. Þegar við vorum búnar að horfa á endann á sætu bíómyndinni, dansmynd, í sjónvarpinu ( verð að viðurkenna að ég komst aldrei inn í þann þráð ) svona að verða kl. 23.00, þá var ákveðið að drífa sig af stað af því að Ölver væri sko alveg orðið stútfullt af söngvurum ( að Þórdísar sögn). Við mættar á slaginu 23.00 og demdum okkur í " röðina " Hey ekki búið að opna fyrir karóke, var svo léleg mæting. Jáhá, nebbbbnilega. En það var allt í lagi við fengum okkur bara bjór og kölluðum út fullt af vinkonum sem helltust yfir staðinn þannig að fastagestir vissu ekki hvað á sig stóð veðrið. Svo náttúrlega var opnað þar fyrir gæjurnar og við systur ásamt fleirum skelltum okkur á svið ( e.b. gólfið ) Sungum þar af hjartans list fram og til baka, skelltum köllunum á staðnum upp í valsa og polka , þær sem ekki voru að syngja, og skemmtum okkur all vel. Þegar líða fór að kl. varð 3 að nóttu þá drifum við okkur í bæinn af því að við ætluðum að dansa. Hey þá mættu þessar elskur ( kallarnir ) og sögðu að þeim fyndist það nú ekki fyndið að við kæmum þarna, gerðum allt vitlaust í gleði og færum svo bara þegar hæst stemmdi. En við buðum þeim bara með okkur í bæinn, sem þeir reyndar þáðu ekki. Nú restin fór svona svolítið í að fara á milli staða. Hitti Tótu vinkonu með allar sína Skota eða voru það Írar. Jæja allvega fullt af ljóskum. híhíhíh. Svo farið og fengið sér að borða sem er mjööööög nauðsynlegur endir á svona kvöldi. Svo kom þessi elska minn hann Lýður og sótti okkur systraskarann og kom okkur heim. Næsti dagur, sunnudagur, fór svolítið svona í gláp og leti, systurnar komu og borðuð afganga síðan kvöldinu áður og Gunna systir dottaði inn á milli. Á mánudeginum fórum við inn í sveit að hjálpa tengdó. Þar voru fyrir Oddur mágur og Guðrún ( er hún þá ekki svila ? ) OG ÞAU ERU AÐ FARA AÐ GIFTA SIG NÆSTA SUMAR OG ÞAU BÁÐU MIG UM AÐ SYNGJA Í BRÚÐKAUPINU, sem er mikill heiður fyrir mig. Við fórum út í fjárhús að marka og bólusetja. Guðrún mín sem segist vera mesta borgarbarn ever, stóð sig eins og hetja. Tók hana nokkrar sekúndur að venjast lyktinni og að það væri eðlilegt að hálft eyra væri klippt af veslings lömbunum. En eftir það eins og hún hefði aldrei gert neitt annað. Hún er algjör snillingur. Jæja nóg í dag.

2006-04-28T06:41:00.000-07:00

Hæhæ, allir sem einn. NÚ GET ÉG SAGT YKKUR LEYNDARMÁLIÐ. Gunna systir mín ( litla örverpið ) er nefnilega 30 ára í dag og við Elfa og Telma fórum að leita að afmælisgjöf. Auðvitað var ekki hægt að setja það inn strax. Hún Gunna mín gæti lesið bloggið mitt. En núna er það allt í lagi þar sem að ég veit að það er brjálað að gera hjá henni í dag og svo ætlar hún líka að koma til Reykjavíkur í dag eða á morgun. Verður gamaaaaaaaaaaaaannnnnnnnn ? Gæti verið.
Mér finnst líka æðislegt hvað ég fékk skemmtileg comment á skot löngun mína. HÍHÍHÍHÍHÍHÍ. Fyrir 2ur jólum síðan ætlaði Lýður að gefa mér byssu í jólagjöf en hætti við það, hann sagðist ekki treysta því að ég notaði hana ekki á hann einhverntímann. Hahahahahahaha. Eru fleiri hræddir ? Hey ég þetta gæðablóð. :-( Alex þótt ég verði byrjuð þá getum við samt farið saman í september. Daðey mín, mikið rosalega var gaman að fá commentið frá þér. Ég roðnaði af hamingju. Þið hinir sem ekki skilja það : ástæðan einfaldlega það að ég hef aldrei heimsótt þau á nýja heimilið þegar Daðey hefur verið heima. Og skammastu þín svo bara Sigríður. En núna loksins er komið sumar. Mér skilst af fróðari mönnum að það sé núna 12°c úti og það er nú ekki slæmt á íslenskan mælikvarða. Allavega nóg til að leysa upp snjóinn. Ég var að tala við Möggu mína Ein. áðan og hún komst að því að það þyrfti að senda björgunarlið á mig til að ná mér út af heimilinu. Reyndar þá sagði ég henni að það hentaði mér fínt eins og staðan er að það kæmi einhver og BÆRI mig út af heimilinu. hahaha. jÁ en nú er komið sumar og ég að hugsa um að fara í sund. Kanski bara alla helgina. NEI alveg rétt, Gunna er að koma í bæinn. Þá bara seinna. Já jæja nú er ég einmitt hætt að segja eitthvað að viti og ætla því að stoppa hér. Sumarknús til allra.

2006-04-24T05:22:00.000-07:00

Ég var í æðislegri fermingarveislu í gær. Hún Steingerður vinkona mín var að ferma sitt eldra barn, soninn Tolla ( Þorvarð Hrein ). Þarna hitti maður mikið af fólki sem maður er nú ekki að hitta dags daglega og þess vegna svooooooooo gaman. Maturinn.................. hm................ ég get bara varla lýst því, þetta var svo flott. Hún Steina mín og fjölskylda gerðu allan matinn sjálf. Þarna var bara það flottasta sjávarrétta/gærnmetishlaðborð sem ég hef lengi séð og ég skal segja ykkur það að bragðið var jafn glæsilegt. Þarna var hval carpaccio, humarsúpa, bleikt og hvítt paté, lúða marineruð í sítrus með tómötum og ólífum, geðveikar rækjur, reyktur lax, æðisleg salöt og svo fullt af allavegana ostapinnum. Á eftir var geðveik jarðaberja fermingarterta og svo þessar guðdómlegu smákökur hennar Kristínar Gísla. ( amma Tolla ), sem ég er að vona að ég fái uppskriftina að. Já ég er að hugsa um að ráða þessa fjölskyldu í matargerði næst þegar ég held upp á afmælið mitt. Lýður minn er enn í losti yfir því hvað þetta var gott og Telmu fannst hvalurinn rosalega góður. Já þetta var alveg frábært.

Já helgin mín var mjög fín. Við Elfa systir og Telma Þöll eyddum laugardeginum saman og fórum t.d. á kaffihús og fleira sem ég get ekki sagt strax frá. Við fórum á Kaffi Mokka, þar fengum við okkur guðdómlegt kaffi, langt síðan að ég hef fengið svona gott kaffi. Sá dagur var mjög svo skemmtilegur. Á sunnudeginum mætti ég á æfingarbúðir kórsins míns ( Kvennakór Kópavogs ) kl. 10.00 um morguninn, fjútt fjú, svolítið erfitt að vakna, og dvaldi þar fram eftir degi. Þar var líka veisluborð, þar sem að við kórkonur mætum með eitthvað með okkur til að leggja á hlaðborð og eru þær veitingar ekki að verri endanum, svo fór ég heim að laga til og endaði í þessari guðdómlegu fermingarveislu. Enda sofnaði ég líka vel.

Mér finnst ég samt farin að verða heldur of mikið heimakær. Ég fer heim eftir vinnu og á mjög erfitt með að drössla mér út af heimilinu eftir það. Reyndar þá hefur heimilið fengið meira að njóta þess og mín duglegri að taka til og svoleiðis en samt. Ég held að ég þurfi á meiri örfun að halda til að þroskast. Hvað segið þið sem þekkið mig best ??? Ég er að hugsa um að fara að læra að skjóta, já ég sagði að skjóta, (s.b. skotveiði ) þetta er búin að vera draumur minn lengi og hef ég ekkert gert í því að reyna að láta hann rætast. En er mikið að spá í að leita mér upplýsinga um hvernig ég geti það. Ef einhver sem les þessa síðu getur gefið mér upplýsingar þá hlusta ég glöð. Jæja nú ætla að ég að fara að deita fasteignasala og skrifa meira seinna.

2006-04-19T04:52:00.000-07:00

Góðan daginn kæra Britney.

Já mín gerði nú gott betur heldur en að setja upp blogg síðu, mín fór að skrifa dagbók. Já ég meina svona alvöru dagbók, skrifaða með penna og allt. Ég fann nefnilega Britney dagbók heiima, já með lás og allt, og nú ætla ég að fara skrifa mínar dýpstu og leyndustu hugsanir. Jáhá, það eru margir sem vildu komast í það. Ég byrjaði s.s. að skrifa í gær og það fyrsta sem ég skrifaði var linkur á uppskriftar síðu á netinu. Já nákvæmlega, byrjar vel. En maður verður náttúrlega að venjast því að skrifa sjálfum sér. Núna áðan þá commentaði ég á síðuna hennar Alexar, já stelpur mínar þetta er allt að koma. Núna vil ég biðja alla þá sem vilja hafa link á mínu bloggi að gefa sig fram. Það er svo miklu aðveldara að hafa þetta á einum stað. Bless á meðan.

2006-04-18T02:15:00.000-07:00

Vá ég var að skoða póstinn minn áðan og jesús minn !!!!!!! Ég held að allir einhleypir karlmenn frá Egyptalandi, Kýpur, Chile, Finnlandi og fleiri stöðum í heiminum hafi verið á netinu yfir páskana til að leita sér að konu. Já ég valið maður !!!!!!!! Vó, sumir bara rétt skriðnir yfir 20 ára aldurinn. Og ég sem hélt að þetta væri svona saklaust netkerfi sem tengdi vini saman og myndi minna mann á afmælisdaga og slíkt. Nei hei þá virðist þetta líka fínt til að stunda netstefnumót. Ekki það að ég ætli nú samt að setja neitt út á það. En bara eins og staða mín er í dag þá er þetta ekki að kveikja minn áhuga. En samt gæti maður nú samt sagt " æi þetta er náttúrlega fín leið til að æfa sig á enskunni " eða eins og alcoholistinn segir " æi ég er með svo skrambi mikið kvef, verð að fá mér einn tvöfaldann til að ná úr mér hæsinu " Endilega minnið mig á þessi orð þegar ég upplýsi ykkur um það að ég sé komin með pennavin á netinu. híhíhíhíhí.

Jæja núna eru páskarnir búnir þetta árið og maður farin að huga að öllum okkar venjulegu störfum. Þetta voru yndislegir páskar. Fórum í eina fermingu, svo héldum við eitt matarboð og svo var bara slappað af og haft það gott. Ég fékk 2 páskaegg og er bara annað búið. Sem betur fer gat ég fengið fólk sem átti leið um til að borða það með mér. Málshátturinn minn var " Oft kemur laukur af litlu " Finnst ykkur hann ekki snilld ? Ég ætla að taka hann mér til hliðsjónar. Jæja þar sem að ég er frekar andlaus núna þá ætla ég að láta þetta nægja, enda þarf ég líka að demba mér í það að segja öllum frá blogginu mínu svo að ég sitji nú ekki og skrifi eingöngu fyrir sjálfa mig. Það er ekki cool.

2006-04-14T13:21:00.000-07:00

Hæ alle sammen,
Gleðilega páska. Þetta er nýja bloggsíðan mín. Vó er ég ekki dugleg !!!!!!!!!!!!!!!! En annars á hún Telma mín allan heiðurinn að uppsetningu síðunnar. Já hún er að kenna mömmu sinni að blogga. Mér skilst að maður sé cool mamma ef maður á bloggsíðu. Við vorum í fermingu hjá Haraldi Erni í gær sem er sonur vinkonu minnar, nú ef hún á eftir að lesa bloggið, þá ein af þeim bestu. Þetta var svakalega flott veisla. Síðan á heimleiðinni fórum við á rúntinn og Telma keyrði heim. Hún er svoddann snillingur þessi stúlka mín. Síðan fengum við okkur "hjónin " smá rauðvínstár fyrir svefninn og duttum svo útaf í sófanum. Ekki vegna drykkju heldur bara vegna þreytu. Já finnst ykkur það ekki rómantíkt. ;-)
Í dag er föstudagurinn langi og var ég pínu dugleg og tók svolítið til. Síðan fórum við Telma að horfa á Bridget Jones diary. Já svona í þrjúþúsundasta skiptið. Já þessi mynd er alltaf sama snilldin. Maður finnur alltaf sín móment þarna. Það er alveg merkilegt hvað þessi dagur er alltaf svakalega langur og af því að flest allar verslanir eru lokaðar þá vantar manni alltaf eitthvað að fara í búðina. Ég hringdi líka í hana mömmu mína sem er núna á Akureyri og hún var bara hress. Sem minnir mig á það að hún var að biðja mig um að senda sér lopapeysu mál af okkur mæðgnunum. Æi já ég geri það á eftir. Á morgun segir sá lati. Núna er Dr. Phil að byrja og ég að fara að horfa á uppáhalds fjölskylduna mína. Pabbinn tilfinningakaldur, 15 ára dóttirin ólétt og veit ekki hvort að hún vill halda barninu eða gefa það til ættleiðingar, 13 ára dóttirin svo reið og reyndar finnst mér hún pínu frek líka, ok en sjáum til og mamman að gefast upp á allri fjölskyldunni. Ja svei mér ef mín er ekki bara frekar normal.

Núna á ég bara eftir að láta alla vini og fjölskyldu vita af blogginu mínu. Endilega commentið á það, þá veit ég hverjum ég hef sagt frá því.
Luv ju oll.